اجرحي قلبي وزيدي في شقى حالي
وصبي لي المر في كاسي وزيديني
أبشرب المر وأقول الطعم حالي
ما ابيه يفرح بشربي له معاديني
استاهل الجرح واللي منك يجرالي
ما دام قلبي لك أهديته بيديني
كنت أحسبك صادق(ن) بالحب تصفا لي
يوم نتعاهد على الشدة مع الليني
لكن أشوفك عن عهود الهوى سالي
وسمعت بالحب هرج اللي حكوا فيني
ما هي غريبة ما دامك صرت متعالي
كشفت غدرك ولا بك شي خافيني
بمشي على نيتي والحق يبرالي
وراعي خبيث النوايا ما يباريني
ماهون لك مادام بك خابت امالي
وش عاد لي في هوى شخص(ن) معنيني
انا عزيز(ن) وراسي دايمٍ(ن) عالي
ما اوطي الراس للي ما يساويني
ابجبر القلب عن حبك ولا ابالي
وإذا عصاني أقصه من شراييني
والفكر أشله إذا طيفك تهيا لي
والنوم أعافه إذا بحلمي تزوريني
واصبر الين الولي يحسن أحوالي
ولا تهم كثر الجروح ولو جرحتيني
بكره تطيب الجروح وينشرح بالي
وأعّود اضحك مثل ما أنتي تعرفيني
» اية رأيكم لو نأخذ بعض الدروس من الاطفال !!!
» مرة أخرى: لا تستهينوا بأعراض المسلمين
» اجر الصابرين فى الدنيا والاخره
» ذُنوْبٌ وَمَعْآصِي أثقَلتْ وَاللهِ ظَهري ْ ~
» كل مالدي سيكتب هنا
» اتحداك توصل لـ 20 ولا احد يقطع عليك متجدد >5<
» جامعة المدينة العالمية [MEDIU]
» جامعة المدينة العالمية [MEDIU]
» جامعة المدينة العالمية [MEDIU]
» جامعة المدينة العالمية [MEDIU]